"Сэдьхэлэй жэгүүр" - буряад хэлэнэй багшада

Байгша оной эхеэр манай hургуулиин зүгhөө соносхоhон "Сэдьхэлэй жэгүүр" гэhэн уран уншалгын харалган дэмбрэлтэй үйлэ хэрэгээр түгэсэбэ. Буряад Республикын багша мэргэжэлтэнэй дунда үнгэрhэн энэ мүрысөөндэмнай Хориин хоёрдохи hургуулиин буряад хэлэнэй багша Дугарова Людмила Николаевна Д.Улзытуевай "Тайлган" уран гоёор хөөрэжэ, "Бага түхэлэй театр" номинацида эрхимлэhэн гэжэ hануулая. Уламжалан, хабаадаhан бүхы багшанарай олоной дуугаар энэл дүй дүршэлтэй багша "Сэдьхэлэй жэгүүр" гэhэн тусхай шагналда хүртөө юм.

         Апрелиин хориной үдэр хун шубуудые холын аянhаань угтажа, эхэ хүниие онсодхон тэмдэглэжэ хүндэлhэн баяр ёhолол Хоридо болобо. Заншалта болоhон hайндэртэ үри бэеэ өөдэнь болгон далижуулhан элдэб яhанай солото эжынэрhээ гадна мүн лэ түрэлхи буряад хэлэеэ эрхимээр шудалжа ябаhан 28 hурагшад үргэмжэлэл болон шагналнуудта хүртөө. Хүхэ мүнхэ тэнгэри доро сэржэмээ үргэжэ, хун шубуудаа угтажа зогсоhон "Хориин хатан" хүшөөгэй дэргэдэ үнгэрhэн үйлэ хэрэгые Людмила Николаевна гоё hайханаар хүтэлбэрилөө юм. Олон жэлдэ үндэhэн хэлэндээ hургажа, гамтайгаар дамжуулжа ябаhан багшын, эхын, Хори нютагай хатан эхэнэрэй абьяас дүүрэн ажалынь, талаан бэлигынь гэршэлhэн тусхай шагнал тон таарамжатай оршондо барюулагдаба!